දරුණු කුරුළු උණ වෛරසයක් (Bird Flu) ව්යාප්ත වීම හේතුවෙන් ඔස්ට්රේලියාවට අයත් ඇන්ටාක්ටික් දූපත්වල වෙසෙන සීල් පැටවුන් දසදහස් ගණනක් මියගොස් ඇති බව විද්යාඥයන් විසින් අනාවරණය කරගෙන තිබේ. පසුගිය ඔක්තෝබර් සහ ජනවාරි මාසවලදී රැස් කරන ලද පාරිසරික දත්ත විශ්ලේෂණය කිරීමේදී මෙම ඛේදවාචකය හෙළි වී ඇති අතර, ඒ අනුව හර්ඩ් (Heard Island) දූපතේ පමණක් වෙසෙන සීල් පැටවුන්ගේ ගහනයෙන් 75% කට වඩා වැඩි ප්රමාණයක්, එනම් 13,000 කට ආසන්න පිරිසක් පසුගිය අගෝස්තු මාසයේ සිට මේ දක්වා කාලය තුළ වෛරසය ආසාදනය වීමෙන් මියගොස් ඇති බව වාර්තා වේ. සාමාන්යයෙන් පක්ෂීන් අතර බහුලව පැතිරෙන මෙම වෛරසය, ඇන්ටාක්ටික් කලාපයේ වෙසෙන ක්ෂීරපායී සතුන් කරා මෙලෙස වේගයෙන් ව්යාප්ත වීම ගෝලීය පරිසර පද්ධතියේ සමතුලිතතාවයට මෙන්ම එම සත්ව විශේෂයන්ගේ අනාගත පැවැත්මට දැඩි තර්ජනයක් වී ඇතැයි වනජීවී විශේෂඥයෝ දැඩි කනස්සල්ල පළ කරති.
