2026 ෆිෆා ලෝක කුසලාන පාපන්දු තරගාවලියේ (FIFA World Cup 2026) තීරණාත්මක අර්ධ අවසන් පූර්ව වටයේ එංගලන්තය (England) සහ නෝර්වේ (Norway) අතර මියාමි ස්ටේඩියම් හි පැවැත්වීමට නියමිත තරගය ආරම්භ වීමට මොහොතක් තිබියදී දකුණු ෆ්ලොරිඩා කලාපයට දැඩි උණුසුම් කාලගුණ අනතුරු ඇඟවීම් නිකුත් කර තිබේ. තරගය ආරම්භ වන අවස්ථාවේදී පරිසර උෂ්ණත්වය සෙල්සියස් අංශක 32-34 (32°C – 34°C) දක්වා ඉහළ අගයක පවතින අතර, අධික ආර්ද්රතාවය හේතුවෙන් ක්රීඩා පිටිය තුළ දැනෙන උෂ්ණත්වය (RealFeel) සෙල්සියස් අංශක 43-44 (43°C – 44°C) වැනි ඉතා සෞඛ්යයට අහිතකර මට්ටමක පවතිනු ඇතැයි පුරෝකථනය කර ඇත.
මීට අමතරව ඇමෙරිකානු ජාතික කාලගුණ සේවය (NWS) විසින් ප්රදේශයට ප්රබල ගිගුරුම් සහිත වැසි සහ අකුණු අනතුරු ඇඟවීම් ද නිකුත් කර තිබේ. ආරක්ෂක රෙගුලාසිවලට අනුව ක්රීඩාංගණයේ සිට සැතපුම් 8ක සීමාවක් ඇතුළත අකුණු සන්නායක ක්රියාකාරීත්වයක් වාර්තා වුවහොත් තරගය ස්වයංක්රීයව විනාඩි 30කට ප්රමාද කිරීමට සිදුවේ. එංගලන්ත කණ්ඩායම පසුගිය 16 දෙනාගේ වටයේදී මෙක්සිකෝවට එරෙහිව ක්රීඩා කළ තරගය ද මෙවැනිම දරුණු කුණාටු තත්ත්වයක් හේතුවෙන් පැයකට ආසන්න කාලයක් ප්රමාද වූ අතර, මෙම තරගය ද එලෙස ප්රමාද වීමේ දැඩි අවදානමක් පවතී. ක්රීඩකයන්ගේ ආරක්ෂාව වෙනුවෙන් සෑම අර්ධයකදීම විනාඩි 3ක අනිවාර්ය ජල විවේකයන් (Hydration Breaks) ලබාදීමට පියවර ගෙන තිබුණ ද, යුරෝපීය ක්රීඩකයන්ට මෙම සවානා දේශගුණික තත්ත්වය දරාගැනීම විශාල අභියෝගයක් වනු ඇත.
