ජාතික ඩෙංගු මර්දන ඒකකය නිකුත් කළ නවතම දත්ත වාර්තා අනුව, මෙරට තුළ ඩෙංගු රෝග ව්යාප්තිය අතිශය භයානක මට්ටමක පවතින බව අනාවරණය වේ. ඊයේ (12) දිනය තුළ පමණක් දිවයින පුරා අලුතින් රෝගීන් 601ක් වාර්තා වී ඇති අතර, ඒ සමඟ වසරේ ගතවූ කාලය තුළ වාර්තා වූ සමස්ත රෝගීන් සංඛ්යාව 68,672 දක්වා ඉහළ ගොස් ඇත. මෙම ව්යාප්තියේ වැඩිම බලපෑම එල්ල වී ඇත්තේ බස්නාහිර පළාතට වන අතර, එම පළාතෙන් පමණක් වාර්තා වී ඇති රෝගීන් සංඛ්යාව 36,118කි.
ගම්පහ දිස්ත්රික්කයෙන් රෝගීන් 14,112ක් සහ කොළඹ දිස්ත්රික්කයෙන් රෝගීන් 13,791ක් ලෙස දත්ත වාර්තා වේ. ජූලි මාසයේ ගතවූ දින 12 තුළ පමණක් දිවයින පුරා රෝගීන් 13,293ක් වාර්තා වී තිබීම ඩෙංගු ව්යාප්තියේ සීඝ්රතාවය මනාව පෙන්වා දෙයි. මෙම වසරේ ගතවූ කාලය තුළ ඩෙංගු රෝගය හේතුවෙන් පුද්ගලයින් 47 දෙනෙකු සිය ජීවිතක්ෂයට පත්ව ඇත.
සෞඛ්ය අංශ අවධාරණය කරන්නේ, නිරන්තර වැසි සහිත කාලගුණික තත්ත්වයත් සමඟ මදුරු කීටයන් බෝවිය හැකි ස්ථාන තුරන් කිරීමට වහාම පියවර ගන්නා ලෙසයි. ඔබේ නිවස සහ අවට පරිසරය පිරිසිදුව තබා ගැනීම සහ උණ රෝග ලක්ෂණ ඇත්නම් වහාම වෛද්ය උපදෙස් පැතීම මෙම අවස්ථාවේ අත්යවශ්ය කරුණකි.
