ග්රීසියේ ආර්ථිකය කඩා වැටී තිබියදී එරට අවදානම් සහගත බැඳුම්කරවල රුපියල් කෝටි 184කට අධික ($1,843,267,595.60) රජයේ මුදල් ආයෝජනය කර පාඩු සිදුකිරීම සම්බන්ධයෙන් හිටපු මහ බැංකු අධිපති අජිත් නිවාඩ් කබ්රාල්ට එරෙහිව පවරා ඇති නඩුවේ මූලික විරෝධතා කොළඹ ස්ථිර ත්රිපුද්ගල මහාධිකරණය අද (13) ඒකමතිකව ප්රතික්ෂේප කළේය.
ඒ අනුව මනෝජ් තල්ගොඩපිටිය (සභාපති), උදේශ් රණතුංග සහ බුද්ධික සී. රාගල යන විනිසුරු මඬුල්ල නියෝග කළේ නඩුවේ පූර්ණ විභාගය ලබන ජූලි මස 20 වැනිදා ආරම්භ කරන ලෙසයි. 2011 – 2012 කාලසීමාව තුළ සිදුවූ මෙම පාඩුව සම්බන්ධයෙන් අල්ලස් කොමිසම විසින් නව දූෂණ විරෝධී පනත යටතේ මෙම නව අධිචෝදනා පත්රය ගොනු කර ඇත්තේ මීට පෙර පැනවූ බදු සහ වන්දි කොන්දේසි විත්ති පාර්ශ්වය පැහැර හැරීම හේතුවෙනි.
