හෝමූස් සමුද්ර සන්ධියේ (Strait of Hormuz) ස්වෛරීභාවය සහ පාලනය ඉරානය විසින් ස්ථාවරව සහ අඛණ්ඩව රඳවා තබා ගන්නා බව ඉස්ලාම් විප්ලවීය ආරක්ෂක බලකාය (IRGC) ප්රකාශ කරයි. මේ පිළිබඳව බ්රිගේඩියර් ජෙනරාල් හොසේන් මොහෙබ්බි (Hossein Mohebbi) විසින් නිල සටහනක් තබමින් අවධාරණය කර ඇත්තේ, අමෙරිකා එක්සත් ජනපදය හෝමූස් සමුද්ර සන්ධියේ කටයුතුවලට මැදිහත් වීම හරහා ගෝලීය බොරතෙල් සහ ගෑස් සැපයුමේ ආරක්ෂාව බරපතල අනතුරක හෙළා ඇති බවයි.
ඉරානය සමුද්ර සන්ධියේ ස්වෛරීභාවය දැඩි ශක්තියකින් යුතුව ආරක්ෂා කරන අතර, විදේශීය බලවතුන්ට ඉරාන ජාතියේ කැමැත්තට අවනත වීමට බල කරන බව ද ඔහු සඳහන් කළේය. “සමුද්ර සන්ධිය නැවත විවෘත කිරීම සම්බන්ධයෙන් අමෙරිකානු නායකයින් තබා තිබූ මායාවී අරමුණු බිඳදැමීමට ඉරානය සමත් විය. ඔවුන්ගේ කඩාකප්පල්කාරී මැදිහත්වීම් හමුවේ වුවද අමෙරිකාව පෙරට වඩා දැඩි අපකීර්තියකට සහ අසරණභාවයකට පත් කිරීමට පියවර ගන්නා” බව ද IRGC ප්රකාශකයා වැඩිදුරටත් සඳහන් කර තිබේ.
