ඩෙංගු මදුරුවන්ගේ බෝවීම පාලනය කිරීම සඳහා විද්යාත්මක ක්රමවේදයක් වන ‘OVI උගුල’ භාවිත කරන නව වැඩපිළිවෙළක් ක්රියාවට නැංවීමට සෞඛ්ය කීට විද්යා නිලධාරීන් පියවර ගෙන තිබේ. බියගම ප්රදේශයෙන් ආරම්භ කෙරෙන මෙම අඩු වියදම් වැඩසටහනෙහි සාර්ථකත්වය මත අදියරෙන් අදියර එය රට පුරා ව්යාප්ත කිරීමට නියමිතය.
මේ අතර, ඩෙංගු අවදානම් වැඩි දිස්ත්රික්ක 11ක් සහ සෞඛ්ය වෛද්ය නිලධාරී කොට්ඨාස 63ක් ඉලක්ක කර ගනිමින් විශේෂ මර්දන වැඩසටහනක් මෙම මස පුරා ක්රියාත්මක කෙරේ. මෙරට සමස්ත ඩෙංගු ආසාදිතයන් සංඛ්යාව මේ වන විට 72,430ක් ලෙස වාර්තා වන අතර, වසරේ ගත වූ දින 15 තුළ පමණක් ආසාදිතයන් 17,051ක් වාර්තා වී තිබේ. ඩෙංගු අධි අවදානම් කලාප 175ක් හඳුනාගෙන ඇති අතර, පාසල් පරිශ්රවලින් 40%ක් මදුරුවන් බෝවන ස්ථාන වාර්තා වී ඇති බැවින් දරුවන්ගේ ආරක්ෂාව වෙනුවෙන් දිග ඇඳුම් භාවිතය වැදගත් බව සෞඛ්ය අංශ අවධාරණය කරයි.
