මුදල්, ක්රමසම්පාදන සහ ආර්ථික සංවර්ධන අමාත්යාංශය විසින් නිකුත් කරන ලද 2025 වර්ෂයේ අවසාන අයවැය වාර්තාවට අනුව, ලංකා විදුලිබල මණ්ඩලය හැර සෙසු ප්රධාන රාජ්ය ව්යවසායයන් 50ක් විසින් 2025 වසර තුළ රුපියල් බිලියන 483.2ක සමස්ත ලාභයක් වාර්තා කර ඇත. මෙය 2024 වසරේ වාර්තා වූ රුපියල් බිලියන 397.5ක ලාභයට සාපේක්ෂව සියයට 21.5ක වර්ධනයකි.
කෙසේ වෙතත්, ලංකා විදුලිබල මණ්ඩලය 2024 වසරේදී රුපියල් බිලියන 141.6ක ශුද්ධ ලාභයක් වාර්තා කළද, 2025 වසරේදී රුපියල් බිලියන 38.7ක ශුද්ධ අලාභයක් වාර්තා කර තිබේ. මෙම බලපෑමත් සමඟ ප්රධාන රාජ්ය ව්යවසායයන් 51ක සමස්ත ලාභදායීත්වය 2025 වසරේදී රුපියල් බිලියන 444.4ක් දක්වා සියයට 17.6කින් පහළ ගොස් ඇත.
මීට අමතරව, රාජ්ය ව්යවසායයන් විසින් අයබදු සහ ලාභාංශ ලෙස රජයට ලබාදුන් ආදායම 2024 වසරේ පැවති රුපියල් බිලියන 41.1 සිට 2025 වසරේදී රුපියල් බිලියන 56.5 දක්වා ඉහළ ගොස් ඇති බවද එම වාර්තාව වැඩිදුරටත් සඳහන් කරයි.
