රුපියල් එක්කෝටි දොළොස් ලක්ෂ අසූ දහසක් වටිනා විදේශීය නිෂ්පාදිත දුම්වැටි තොගයක් කටුනායක බණ්ඩාරනායක ජාත්යන්තර ගුවන්තොටුපොළේ පැමිණීමේ පර්යන්තයේදී රේගු නිලධාරීන් විසින් සොයාගෙන ඇත.
ගමන් මලු පථ අසළ අතහැර දමා තිබූ ගමන් මලු 4ක් පරීක්ෂා කිරීමේදී මෙම දුම්වැටි තොගය සොයාගෙන තිබේ. එහි විදේශීය නිෂ්පාදිත දුම්වැටි 75,200ක් අඩංගු කාටූන් 376ක් තිබී ඇත. පසුගිය 17 වැනි දින උදෑසන ඩුබායි සිට පැමිණි එමිලේට්ස් ගුවන් සේවයට අයත් ගුවන් යානයකින් මෙම දුම්වැටි තොගය මෙරටට රැගෙනවිත් ඇති බවට රේගු නිලධාරීන් සැක පළ කරති.
කටුනායක ගුවන්තොටුපොළ රේගු නිලධාරීන් විසින් සිදුකළ විධිමත් පරීක්ෂණයකින් අනතුරුව මෙම දුම්වැටි තොගය රාජසන්තක කිරීමට පියවර ගෙන තිබේ.
