ශ්ර්රී ලංකාවේ ඩිජිටල් ආර්ථිකය තුළ සයිබර් තර්ජනවලට ඔරොත්තු දීමේ හැකියාව ශක්තිමත් කිරීම අරමුණු කරගනිමින් සංවිධානය කරන ලද ‘Visa ශ්ර්රී ලංකා සයිබර් ආරක්ෂණ සමුළුව 2026′ පසුගියදා පැවැත්විණි. බැංකු ක්ෂේත්රයේ ප්රධානීන්, රාජ්ය නිලධාරීන්, නියාමන ආයතන සහ කර්මාන්ත ක්ෂේත්රයේ නියෝජිතයින්ගේ සහභාගීත්වයෙන් පැවැති මෙම සමුළුව හරහා නැඟී එන සයිබර් තර්ජන, මූල්ය වංචා වැළැක්වීම සහ නියාමන සූදානම පිළිබඳව පුළුල් ලෙස සාකච්ඡා කෙරිණි.
සමුළුවට සමගාමීව පැවැත්වුණු විද්වත් සංවාද මණ්ඩපය සඳහා ශ්ර්රී ලංකා මහ බැංකුවේ නියෝජ්ය අධිපති සිරිකුමාර කුඩගම, ඩිජිටල් ආර්ථික අමාත්යාංශයේ ලේකම් වරුණ ධනපාල, සයිබර් අණදෙන සහ තොරතුරු යුධ මධ්යස්ථානයේ අධ්යක්ෂ බ්රිගේඩියර් කේ.වී.පී. ධම්මික යන මහත්වරුන් ඇතුළු පිරිසක් එක්වූහ. Visa ආයතනයේ ක්ෂේත්ර ප්රවීණයන් විසින් මෙහෙයවන ලද සැසිවාරයන්හිදී කෘත්රිම බුද්ධිය (AI) පාදක කරගත් ආරක්ෂණ විසඳුම්, අවදානම් කළමනාකරණය සහ මූල්ය වංචා වැළැක්වීමේ නවතම ක්රමවේදයන් පිළිබඳව තාක්ෂණික කරුණු පැහැදිලි කෙරිණි.
ඩිජිටල් පරිවර්තනය සිදුවන වකවානුවක සයිබර් ආරක්ෂණය ජාතික ප්රමුඛතාවක් බවත්, ඒ සඳහා රාජ්ය සහ පෞද්ගලික අංශ අතර සහයෝගීතාව අත්යවශ්ය බවත් අදාළ ක්ෂේත්ර නියෝජිතයෝ මෙහිදී අවධාරණය කළහ. පූර්ව අවබෝධය, තත්කාලීන ප්රතිචාර දැක්වීමේ හැකියාව සහ ක්රමවත් තොරතුරු හුවමාරුව තුළින් මෙරට ඩිජිටල් ගෙවීම් පද්ධතියේ ආරක්ෂාව සහ විශ්වාසනීයත්වය තහවුරු කිරීමට මෙම සමුළුව මගින් නව මගක් විවර කරනු ලැබීය.
