මැදපෙරදිග කලාපයේ උද්ගතව ඇති ආරක්ෂක තත්ත්වය සහ ගුවන් කලාප සීමා කිරීම් හේතුවෙන්, ප්රංශයේ ජාතික ගුවන් සේවය වන Air France සමාගම ඩුබායි සහ රියාද් වෙත ක්රියාත්මක කරන සිය ගුවන් ගමන් තාවකාලිකව අත්හිටුවීමට පියවර ගෙන තිබේ.
රියාද් වෙත සහ එතැන් සිට ක්රියාත්මක වන ගුවන් ගමන් ජූලි 24 සහ 25 වන දින දක්වාත්, ඩුබායි වෙත සහ එතැන් සිට ක්රියාත්මක වන ගුවන් ගමන් ජූලි 27 සහ 28 වන දින දක්වාත් අත්හිටුවා ඇත. මීට අමතරව ලෙබනනයේ බේරූට් වෙත මීට පෙර පනවා තිබූ ගුවන් ගමන් තහනම අගෝස්තු 2 වන දින දක්වා දීර්ඝ කර තිබේ.
එමෙන්ම, Air France-KLM සමූහයට අයත් KLM ගුවන් සේවය ද ඩුබායි, රියාද් සහ දමාම් වෙත ගුවන් ගමන් අගෝස්තු මාසය දක්වා අත්හිටුවීමට පියවර ගෙන ඇති අතර, බලපෑමට ලක් වූ මගීන් සඳහා අවශ්ය පහසුකම් ලබා දීමට සහ මුදල් නැවත ගෙවීමට කටයුතු කරමින් සිටින බව ගුවන් සමාගම් නිවේදනය කරයි.
