ජාතික නිවාස සංවර්ධන අධිකාරියේ (NHDA) ඉඩම් අවභාවිතයන්, මූල්ය අක්රමිකතා සහ පරිපාලන දුර්වලතා සම්බන්ධයෙන් අනාවරණය වූ කරුණු අපරාධ පරීක්ෂණ දෙපාර්තමේන්තුව (CID) සහ අල්ලස් හෝ දූෂණ විමර්ශන කොමිෂන් සභාව වෙත යොමු කර විධිමත් විමර්ශනයක් සිදු කිරීම කෙරෙහි පොදු ව්යාපාර පිළිබඳ කාරක සභාවේ (COPE/කෝප්) අවධානය යොමු වී තිබේ.
කෝප් කමිටුව එහි සභාපති පාර්ලිමේන්තු මන්ත්රී (වෛද්ය) නිශාන්ත සමරවීරගේ ප්රධානත්වයෙන් පාර්ලිමේන්තුවේදී රැස්වූ අවස්ථාවේදී මෙම තීරණය ගෙන ඇත. මාලිගාවත්ත, ඇල්විටිගල මාවත සහ දඹුල්ල රංගිරිගම ප්රදේශවල පිහිටි අධිකාරිය සතු වටිනා ඉඩම් අමාත්ය මණ්ඩල අනුමැතියකින් තොරව සහ අඩු නාමික වටිනාකම් යටතේ බාහිර පාර්ශ්ව වෙත බදු දීම සහ ගිවිසුම්වලට පටහැනිව ඒවා භාවිත කිරීම මෙහිදී දැඩි ලෙස සාකච්ඡාවට ලක්ව තිබේ. අදාළ අක්රමිකතා සම්බන්ධයෙන් සම්පූර්ණ වාර්තා අපරාධ පරීක්ෂණ දෙපාර්තමේන්තුව සහ අල්ලස් හෝ දූෂණ විමර්ශන කොමිෂන් සභාව වෙත යොමු කර නීතිමය ක්රියාමාර්ග ගැනීමට කමිටුව නිර්දේශ කර ඇත.
