පරිගණක පද්ධතියේ අත්යවශ්ය නඩත්තු කටයුත්තක් හේතුවෙන් 2026 ජූලි 30 සහ 31 යන දෙදින තුළ සේවක අර්ථසාධක අරමුදල (EPF) සම්බන්ධ මහජන සේවාවන් තාවකාලිකව අත්හිටුවන බව කම්කරු දෙපාර්තමේන්තුව නිවේදනය කරයි.
කම්කරු කොමසාරිස් ජනරාල් එච්.එම්.ඩී.එන්.කේ. වටලියද්ද මහතා සඳහන් කළේ, කම්කරු දෙපාර්තමේන්තුවේ ප්රධාන කාර්යාලය මෙන්ම සියලුම කලාපීය, දිස්ත්රික් සහ උප කම්කරු කාර්යාලවල EPF ප්රතිලාභ ගෙවීම්, ලියාපදිංචි කිරීම් ඇතුළු සියලු සේවාවන් මෙම දින දෙක තුළ ක්රියාත්මක නොවන බවයි. මෙම දින සඳහා වේලාවන් වෙන්කරගෙන (Appointments) තිබූ පුද්ගලයන්ට ඉදිරි මාසයක කාලය තුළ ඕනෑම වැඩකරන දිනයක අදාළ කම්කරු කාර්යාලය වෙත පැමිණ සිය සේවාවන් ලබාගත හැකි බව ද දෙපාර්තමේන්තුව වැඩිදුරටත් දැනුම් දෙයි.
