කොළඹ විශ්වවිද්යාලයේ නීති පීඨයේ සහ ශ්රී ලංකා නීති විද්යාලයේ අධ්යයන හා නීති පර්යේෂණ කටයුතු ප්රවර්ධනය කිරීම වෙනුවෙන් විශේෂ භාරකාර අරමුදලක් (Trust Fund) පිහිටුවීමට පියවර ගන්නා බව ජ්යෙෂ්ඨ මහාචාර්ය ජී.එල්. පීරිස් මහතා නිවේදනය කරයි.
ශ්රී ලංකා නීති විද්යාලයේ පැවැති “නීතිය” සිංහල නීති සඟරාව එළිදැක්වීමේ උත්සවයට එක්වෙමින් ඒ මහතා ප්රකාශ කළේ, ශ්රී ලංකාවේ නීති පද්ධතිය සහ නීතිමය ක්ෂේත්රය අනුප්රාප්තිකව විග්රහ කරමින් තමන් විසින් රචිත ග්රන්ථ 10කට වැඩි සංඛ්යාවකින් ලැබෙන කර්තෘ භාගය (Royalties) මෙම අරමුදල ගොඩනැගීම සඳහා සම්පූර්ණයෙන්ම කැප කරන බවයි. කොළඹ විශ්වවිද්යාලයේ උපකුලපතිවරයා, නීති විද්යාලයේ විදුහල්පතිවරයා සහ කොළඹ විශ්වවිද්යාලයේ නීති පීඨයේ පීඨාධිපතිවරයා මෙම අරමුදලේ භාරකරුවන් ලෙස කටයුතු කිරීමට නියමිතය. නීති ක්ෂේත්රයේ නැගී එන කෘතිම බුද්ධිය (AI) වැනි නව මානයන් පිළිබඳ පර්යේෂණ සහ ශාස්ත්රීය සංවාද ප්රවර්ධනය කිරීම සඳහා මෙවැනි පියවරයන් අතිශය වැදගත් වන බව ද මහාචාර්යවරයා මෙහිදී වැඩිදුරටත් පෙන්වා දුන්නේය.
