වර්තමානයේ ලොව පුරා මතුව ඇති පාරිසරික අභියෝග කිසිසේත්ම එක් රටකට පමණක් සීමා වූවක් නොවන බවත්, එම ගෝලීය අර්බුදයෙන් මිදීම සඳහා සියලු ජාතීන් එකමුතුව සාමූහික විසඳුම් සෙවිය යුතු බවත් පරිසර නියෝජ්ය අමාත්ය ගරු ඇන්ටන් ජයකොඩි මහතා අවධාරණය කරයි.
චීනයේ ජාතික වනාන්තර සහ තණබිම් පරිපාලනය යටතේ පවතින ජාතික වනාන්තර සහ තණබිම් පරිපාලන විද්යා පීඨය (NAFGA) මගින් සංවිධානය කරන ලද ගෝලීය සංවර්ධන මුලපිරීම (GDI) යටතේ වන “වන සම්පත් කළමනාකරණය සහ හරිත සංවර්ධනය” පිළිබඳ අමාත්යාංශ මට්ටමේ ජාත්යන්තර වැඩමුළුවට ශ්රී ලංකාව නියෝජනය කරමින් සහභාගී වූ නියෝජ්ය අමාත්යවරයා විශේෂ ප්රකාශයක් කරමින් මේ බව කියා සිටියේය.
2026 ජූලි මස 24 සිට 30 දක්වා චීනයේදී පැවැත්වෙන මෙම ජාත්යන්තර වැඩසටහන සඳහා ශ්රී ලංකාවට අමතරව තවත් රටවල් කිහිපයක ජ්යෙෂ්ඨ පාරිසරික නිලධාරීන්, අමාත්යවරුන් සහ සංරක්ෂණ ප්රවීණයන් රැසක් එක්ව සිටිති. මෙහිදී ශ්රී ලංකාවේ වන කළමනාකරණය සහ හරිත සංවර්ධන ඉලක්ක සපුරා ගැනීම වෙනුවෙන් චීන රජයෙන් ප්රධාන සහයෝගතා ඉල්ලීම් තුනක් ඉදිරිපත් කරන ලදී.
ශ්රී ලංකාවේ උණ බම්බු (Bamboo) කර්මාන්තය සංවර්ධනය කර ගැනීමට අවශ්ය තාක්ෂණික සහ ආර්ථික සහාය ලබා දීම, වනාන්තර විනාශයට හා පරිසර හානියට මුල් වන ලැව්ගිනි (Brush Fires) අවම කර ගැනීමට සහ කළමනාකරණය කිරීමට සහය වීම, සහ ශ්රී ලංකාවේ වන විද්යා විද්යාලය (Forest College) සංවර්ධනය කර ඉන්පසු පුහුණු වැඩසටහන් දියුණු කිරීමට අවශ්ය සහයෝගය ලබා දීම යන ඉල්ලීම් මෙහිදී ඉදිරිපත් කෙරිණි.
