ශ්රී ලංකාවේ ඩෙංගු ව්යාප්තිය පාලනය කිරීමේ අඛණ්ඩ උත්සාහයට සහයෝගය දැක්වීමක් ලෙස ඉන්දීය මහ කොමසාරිස් සන්තෝෂ් ජා මහතා විසින් තාක්ෂණික මැලතියන් (Technical Malathion) ලීටර් 500ක තොගයක් සෞඛ්ය අමාත්ය වෛද්ය නලින්ද ජයතිස්ස මහතා වෙත අද (04) නිල වශයෙන් භාර දී තිබේ.ඩෙංගු මර්දන ප්රයත්නයට සහයෝගයක් ලෙස ඉන්දියානු රජයෙන් සහ ජනතාවගෙන් ලැබුණු පරිත්යාගයක් ලෙස මෙම මැලතියන් තොගය ලබා දී ඇති බව මහ කොමසාරිස්වරයා සඳහන් කර ඇත. දිවයිනේ දෛනික ඩෙංගු රෝගීන්ගේ සංඛ්යාව 1,000 දක්වා ඉහළ ගොස් තිබූ අතර, මේ වන විට එය 500 දක්වා පහළ ගොස් ඇතත්, රෝහල්වල ඩෙංගු වාට්ටු තවදුරටත් අධික ලෙස තදබදයෙන් පවතින පසුබිමක් තුළ ඉන්දියාව මෙම සහය ලබා දී තිබේ.
