හෝමුස් සමුද්ර සන්ධිය යළි විවෘත කිරීම සම්බන්ධයෙන් අමෙරිකාව සහ ඉරානය අතර එකඟතාවකට පැමිණෙන බවට ජාත්යන්තර දේශපාලන ආරංචි මාර්ග වාර්තා වීමත් සමඟ, අද (05) දිනයේ ලෝක වෙළෙඳපොළේ බොරතෙල් මිල ඩොලර් 80 සීමාවෙන් පහළට පැමිණ ඇති බව විදෙස් මාධ්ය පවසයි.
ඒ අනුව, බ්රෙන්ට් බොරතෙල් බැරලයක මිල අමෙරිකානු ඩොලර් 79.20 ක් ලෙස සඳහන් වන අතර, ඩබ්ලිව්.ටී.අයි. බොරතෙල් බැරලයක මිල ඩොලර් 75.40 ක් දක්වා පහත වැටී තිබේ. හෝමුස් සමුද්ර සන්ධිය යළි විවෘත කිරීම සම්බන්ධයෙන් ඉදිරි දින කිහිපය තුළ එකඟතාවකට පැමිණිය හැකි බව අමෙරිකානු ජනාධිපති ඩොනල්ඩ් ට්රම්ප් විසින් සිදු කළ ප්රකාශයක් මත මෙම මිල පහළ යෑම සිදුව ඇත.
