මෙරට ක්රිකට් ක්රීඩාවේ දස්කම් සහ විශිෂ්ටත්වය ඇගයීමට ලක්වන ඩයලොග් ශ්රී ලංකා ක්රිකට් සම්මාන 2025 උළෙල අගෝස්තු 6 වනදා කොළඹ Cinnamon Life පරිශ්රයේදී පැවැත්වීමට සියලු කටයුතු සූදානම් කර ඇත. මෙරට ප්රබලම ක්රීඩා ප්රවර්ධකයා වන ඩයලොග් ආසිආටා පීඑල්සී සමාගම විසින් මෙම වාර්ෂික සම්මාන උළෙල සඳහා වන ප්රධාන අනුග්රාහකත්වය ඉදිරි වසර තුනක කාලය සඳහාද තවදුරටත් දීර්ඝ කිරීම මෙහිදී විශේෂ සන්ධිස්ථානයක් වනු ඇත. ඩයලොග් ආසිආටා පීඑල්සී හි සමූහ ප්රධාන විධායක නිලධාරී සුපුන් වීරසිංහ මහතා සහ ශ්රී ලංකා ක්රිකට් පරිවර්තන කමිටුවේ සභාපති එරාන් වික්රමරත්න මහතා ඇතුළු සම්භාවනීය අමුත්තන්ගේ සහභාගීත්වයෙන් මෙම අනුග්රාහක ගිවිසුම අලුත් කිරීම සිදු විය. මෙම හවුල්කාරීත්වය හරහා ඩයලොග් සහ ශ්රී ලංකා ක්රිකට් අතර පවතින වසර 13 ඉක්මවන දීර්ඝ කාලීන සබඳතාව තවදුරටත් තහවුරු වේ.
ජාත්යන්තර සහ දේශීය ක්රිකට් පිටියේ දැක්වූ දක්ෂතා පාදක කරගනිමින් මෙරට දක්ෂතම ක්රීඩක ක්රීඩිකාවන් ඇගයීමට ලක්වන මෙම උළෙල ශ්රී ලංකා ක්රිකට් ක්ෂේත්රයේ වැඩිම අවධානයක් දිනාගන්නා මහා රාත්රිය බවට පත්ව තිබේ. මෙහිදී ‘වසරේ ක්රිකට් ක්රීඩකයා’ සහ ‘වසරේ ක්රිකට් ක්රීඩිකාව’ යන සම්මාන ඉහළම ගෞරවය ලෙස පිදෙන අතර, යොවුන් දක්ෂතා නගාසිටුවීමේ අරමුණින් වසරේ නැගී එන ක්රිකට් ක්රීඩකයා සහ ක්රීඩිකාව සඳහාද විශේෂ සම්මාන හිමිවේ. ජාත්යන්තර කාණ්ඩ මෙන්ම 23 න් පහළ, ප්රිමියර් ලීග්, සීමිත පන්දුවාර සහ විස්සයි විස්ස ආදී දේශීය තරගාවලිවල විශිෂ්ටතා දැක්වූවන්ද මෙහිදී ඇගයීමට ලක් කෙරේ. පාසල් මට්ටමේ සිට ජාතික කණ්ඩායම දක්වා ශ්රී ලංකා ක්රිකට් ක්රීඩාවේ සෑම ස්ථරයක්ම නංවාලීමට ඩයලොග් සමාගම දක්වන නොපසුබට කැපවීම මෙමගින් මනාව පිළිබිඹු වේ.
