වසර ගණනාවක් පුරා මෙරට පවතින කසළ ගැටලුවට ස්ථීරසාර විසඳුමක් සෙවීම අරමුණු කරගනිමින් රුපියල් බිලියන 30ක ප්රතිපාදන වෙන් කර ඇති බව ජනාධිපති ලේකම් ආචාර්ය නන්දික සනත් කුමානායක මහතා ප්රකාශ කර තිබේ. ‘පිවිතුරු පුරවර’ ජාතික කසළ කළමනාකරණ වැඩසටහනේ (2026-2029) ඉදිරි සැලසුම් සම්බන්ධයෙන් ජනාධිපති ලේකම් කාර්යාලයේ පැවති විශේෂ සාකච්ඡාවකදී ඒ මහතා මේ බව සඳහන් කළේය.
අදියර තුනක් යටතේ ක්රියාත්මක වන මෙම වැඩසටහන හරහා නව විද්යාත්මක ක්රම භාවිත කිරීමටත්, ජනතාවගේ හැසිරීම් රටා සහ ආකල්පමය වෙනස්කම් ඇති කිරීමටත් අපේක්ෂා කෙරේ. රාජ්ය පරිපාලන, පළාත් සභා සහ පළාත් පාලන අමාත්යාංශය සහ ‘ක්ලීන් ශ්රී ලංකා’ ජාතික වැඩසටහනේ පූර්ණ අධීක්ෂණය යටතේ ඉදිරි වසර තුන තුළ මෙම ව්යාපෘතිය ක්රියාත්මක කිරීමට නියමිතය. ගෘහාශ්රිතව කොම්පෝස්ට් පොහොර නිෂ්පාදනය, කසළ ප්රතිචක්රීකරණය සහ අවිධිමත්ව කසළ බැහැර කරන්නන්ට එරෙහිව නීතිමය පියවර ගැනීම ආදී කරුණු රැසක් සම්බන්ධයෙන් ද මෙහිදී අවධානය යොමු වී ඇත.
