වැවිලි කර්මාන්තයේ ඵලදායීතාව ඉහළ නැංවීම, නවීන තාක්ෂණය හඳුන්වාදීම සහ වතු ආශ්රිත ජනතාවගේ ආර්ථීක සවිබල ගැන්වීම අරමුණු කර ගනිමින් හලාවත වැවිලි සමාගමේ වතු කලාප වෙත රුපියල් මිලියන 150කට අධික වටිනාකමින් යුත් නව කෘෂි යන්ත්රෝපකරණ බෙදාදීම වැවිලි හා ප්රජා යටිතල පහසුකම් අමාත්ය සමන්ත විද්යාරත්න මහතාගේ ප්රධානත්වයෙන් සිදු කෙරිණි.
ට්රැක්ටර් රථ හා ටේලර් 45ක්, අත් ට්රැක්ටර් හා ටේලර් 17ක්, තණකොළ කපන හා බිම් සැකසීමේ උපකරණ 31ක්, තණකොළ කපන යන්ත්ර 31ක්, බවුසර් 22ක්, ගස් කපන යන්ත්ර 2ක් ඇතුළු කෘෂි උපකරණ තොගයක් කිලිනොච්චිය පලෙයි වතු කලාපය ඇතුළු වතු කලාප 8ක් වෙත මෙහිදී ලබා දෙන ලදී. මීට අමතරව අලුතින් බඳවා ගත් සහකාර වතු අධිකාරිවරුන්ට සහ රියැදුරු මහත්වරුන්ට පත්වීම් ලිපි ලබා දීමද සිදු විය.
මෙහිදී අදහස් දැක්වූ අමාත්යවරයා සඳහන් කළේ 2024 වර්ෂයේදී රුපියල් මිලියන 219ක්වූ හලාවත වැවිලි සමාගමේ බදු පෙර ලාභය, 2025 වර්ෂය වන විට රුපියල් මිලියන 650ක් දක්වා වර්ධනය කර ගැනීමටත්, සේවකයන්ට රුපියල් මිලියන 1,037ක් බෙදා දීමටත් ආයතනයට හැකි වූ බවයි. රජයට ව්යාපාර කළ නොහැකි යැයි පවතින මතය මෙමඟින් බිඳ දමා ඇති බවද හෙතෙම අවධාරණය කළේය. මෙම අවස්ථාවට අමාත්යවරුන් වන චන්දන අබේරත්න, පුත්තලම දිස්ත්රික් පාර්ලිමේන්තු මන්ත්රී අජිත් ගිහාන් ඇතුළු පිරිසක් එක්ව සිටියහ.
