ස්පාඤ්ඤයේ දකුණු දෙසින් පිහිටි ඓතිහාසික ග්රනාඩා නගරය ආසන්නයේ සිදුවූ ප්රබල භූමිකම්පාවකින් පුද්ගලයින් තිදෙනෙකු සැහැල්ලු තුවාල ලබා ඇති අතර, ඇතැම් ගොඩනැගිලිවලට ද හානි සිදුව තිබේ.
රිච්ටර් මිනුම් දණ්ඩේ 4.8ක ප්රබලතාවකින් යුත් මෙම භූමිකම්පාව අල්හෙන්ඩින් නගරයට ආසන්නව, කිලෝමීටර 10කට වඩා අඩු ගැඹුරකදී හටගෙන ඇති බව ස්පාඤ්ඤයේ ජාතික භූගෝල විද්යා ආයතනය (IGN) පවසයි. පසුගිය සිකුරාදා සිට එම ප්රදේශයේ හටගත් මට්ටමේ සුළු කම්පන මාලාවක නවතම අවස්ථාව මෙය බව බලධාරීන් සඳහන් කරයි.
හදිසි කම්පනයත් සමඟ බියට පත් ප්රදේශවාසීන් සහ සංචාරකයන් කඩිනමින් වීදි වෙත දුව ගොස් ඇති අතර, කඩා වැටුණු සුන්බුන් හේතුවෙන් වාහන කිහිපයකට ද හානි සිදුව ඇත. ආරක්ෂක පියවරක් ලෙස යුනෙස්කෝ ලෝක උරුමයක් වන ඓතිහාසික අල්හම්රා (Alhambra) මාලිගය මෙන්ම කෞතුකාගාර, පරිපාලන ගොඩනැගිලි සහ ක්රීඩා මධ්යස්ථාන කිහිපයක් තාවකාලිකව වසා දමා ඇත. එසේම, ආරක්ෂක හේතු මත ග්රනාඩා මෙට්රෝ දුම්රිය සේවයේ වේගය පැයට කිලෝමීටර 30 දක්වා සීමා කර තිබේ.
