ශ්රී ලංකා නාවික හමුදාව විසින් තලෛමන්නාර් වරාය ප්රවේශය දෙසින් 2026 අගෝස්තු 20 වන දින උදෑසන සිදු කරන ලද විශේෂ සෝදිසි කිරීමකදී, නීතිවිරෝධී ලෙස මෙරටට රැගෙන එන ලද වියළි ඉඟුරු, එනසාල් පොතු සහ කෘමිනාශක දියර බෝතල් තොගයක් නාවික හමුදා භාරයට ගෙන ඉදිරි නීතිමය කටයුතු සඳහා යොමු කෙරිණි.
ශ්රී ලංකා නාවික නෞකා ‘පරාක්රම’ ආයතනයට අනුබද්ධිත තලෛමන්නාර් වරාය ප්රවේශය දෙසින් සිදුකළ මෙම විශේෂ සෝදිසි කිරීමේදී, වරාය ප්රදේශයට දකුණින් පිහිටි තීරුබදු රහිත කලාපයේ තිබී සැකකටයුතු යාත්රාවක් (16) පරීක්ෂාවට ලක් කෙරිණි. එහිදී, එම යාත්රාව තුළ තිබී නීතිවිරෝධී ලෙස මෙරටට රැගෙන එන ලද වියළි ඉඟුරු කිලෝග්රෑම් පන්සිය අනූ එකක් (591), එනසාල් පොතු කිලෝග්රෑම් හැත්තෑ පහක් (75) සහ කෘමිනාශක දියර බෝතල් තුන්සියයක් (300) සොයා ගන්නා ලදී.
ඒ අනුව, නාවික හමුදා භාරයට ගත් මෙම භාණ්ඩ තොගය ඉදිරි නීතිමය කටයුතු සිදු කිරීම සඳහා මල්පිටිය පොලිසිය වෙත භාර දීමට කටයුතු කෙරිණි.
