ගොවීන්ට සාධාරණ මිලක් ලබා දීම සහ පාරිභෝගිකයන්ට දැරිය හැකි මිලකට සහනදායී ලෙස සහල් ලබා දීමේ අරමුණින් 2026 යාල කන්නය සඳහා නව පොලී රහිත මූල්ය පහසුකම් යටතේ වී මිලදී ගැනීමේ වැඩපිළිවෙළක් රජය විසින් ආරම්භ කර තිබේ.
මෙහිදී දිනකට මෙට්රික් ටොන් 25 ක උපරිම ධාරිතාවකින් යුත් මෝල් පවත්වාගෙන යනු ලබන ලියාපදිංචි කුඩා හා මධ්ය පරිමාණ වී මෝල් හිමියන්ට සහ සමූපකාර සමಿತಿ සඳහා රුපියල් මිලියන 25 දක්වා පොලී රහිත සහනදායී මූල්ය ප්රතිපාදන හිමි වේ. මීට පෙර ක්රියාත්මක වූ ඇතැම් වී මිලදී ගැනීමේ වැඩපිළිවෙළවලින් රජයට සහ භාණ්ඩාගාරයට සිදුවූ අතිවිශාල මූල්ය පාඩු සහ ණය බර මඟහරවා ගනිමින්, විනිවිදභාවයකින් යුතුව මෙම නව ව්යාපෘතිය ක්රියාත්මක කිරීමට අපේක්ෂිතය.
නව වැඩපිළිවෙළ යටතේ රතු සහ සුදු නාඩු වී කිලෝවක් රුපියල් 120 කටද, සම්බා වී කිලෝවක් රුපියල් 130 කටද මිලදී ගැනීමට නියමිත අතර, ලබා දෙන ප්රතිපාදන භාවිතයෙන් මිලදී ගන්නා වී දින 240 ක් ඇතුළත සකස් කර අදාළ මුදල් කිසිදු පොලියකින් හෝ ගාස්තුවකින් තොරව යළි ව්යාපෘතියට ගෙවිය යුතු වේ.
