පුත්තලම දිස්ත්රික්කයේ මූලික සහ ප්රාදේශීය රෝහල්වල හදිසි ප්රතිකාර සේවා සම්බන්ධයෙන් සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන මහතා විසින් හදිසි නිරීක්ෂණ චාරිකාවක නිරත වී තිබේ.
මෙරට ප්රාථමික සෞඛ්ය සේවා පද්ධතියේ හදිසි ප්රතිකාර සේවා (ETU) සවිබල ගැන්වීමට සෞඛ්ය හා ජනමාධ්ය අමාත්යාංශය ගත් පියවරක් ලෙස මෙම නිරීක්ෂණය සිදු කෙරිණි. ඒ අනුව කල්පිටිය, මාරවිල, ආනමඩුව යන මූලික රෝහල් සහ පුත්තලම දිස්ත්රික් මහ රෝහලේ හදිසි ප්රතිකාර සේවා කටයුතු පරීක්ෂා කළ ඒ මහතා, හදිසි ප්රතිකාර සේවාවන්හි මානව සහ භෞතික සම්පත් සංවර්ධනය පිළිබඳව ද දැඩි අවධානය යොමු කළේය.
හදිසි ජීවිතාරක්ෂක සත්කාරය (Emergency Life Support – ELS) මාර්ගෝපදේශයට අනුගතව ප්රාථමික සෞඛ්ය සේවාවේ හදිසි ප්රතිකාර සේවා සවිබල ගැන්වීම මේ වන විට සිදුවන අතර, හදිසි ප්රතිකාර පිළිබඳ විශේෂඥ වෛද්යවරුන්ගේ සංගමය සහ පවුල් වෛද්යවරුන්ගේ සංගමය ඊට අදාළ කටයුතු සම්පාදනය කරයි. මෙරට සියලු සෞඛ්ය ආයතන තුළ ප්රමිතිගත හා එකම ක්රමවේදයකට අනුව හදිසි ප්රතිකාර සේවා ක්රියාත්මක කිරීම සහ ප්රතිකාර ලබාගැනීමට පැමිණෙන සියලු ජනතාවගේ ජීවිත සුරක්ෂිත කිරීම මෙම වැඩපිළිවෙළේ මූලික අරමුණ වේ.
