ඉරානයට එරෙහි ආර්ථික පීඩනය තවදුරටත් ඉහළ නැංවීමේ අරමුණින්, බැංකු ක්ෂේත්රය මුල් කරගනිමින් නව ද්විතියික සම්බාධක සෑම සතියකම හඳුන්වා දීමට එක්සත් ජනපද භාණ්ඩාගාර දෙපාර්තමේන්තුව සූදානම් වන බව එරට භාණ්ඩාගාර ලේකම් ස්කොට් බෙසන්ට් සඳහන් කරයි.
ඉරානය සමඟ මූල්ය සබඳතා පවත්වන බවට චෝදනා කරමින් ඊජිප්තුවේ ‘බෑන්ක් මිස්ර්’ (Banque Misr) ආයතනයේ එක්සත් අරාබි එමීර් රාජ්යයේ ශාඛා වෙත සම්බාධක පැනවීමෙන් අනතුරුයිව, ඩොලර් මත පදනම් වූ මූල්ය පද්ධතියෙන් අදාළ ආයතන සම්පූර්ණයෙන්ම විසන්ධි කිරීම මීළඟ පියවර විය හැකි බව ඔහු පෙන්වා දී ඇත. G20 රටවල මූල්ය නායකයින්ගේ සමුළුවට පෙර මෙම අදහස් පළ කළ බෙසන්ට්, ඉරානය සමඟ පවතින ආර්ථික සබඳතා කපා හරින ලෙසට හෝ එසේ නොමැති නම් ද්විතියික සම්බාධකවලට මුහුණ දීමට සිදුවන බවට අනෙකුත් රටවලටද පණිවිඩය ලබා දෙන බව ප්රකාශ කර තිබේ.
