ගල්ෆ් කලාපයේ පවතින ආරක්ෂක උණුසුම හමුවේ බහරේනය, කුවේට්, කටාර් සහ එක්සත් අරාබි එමීර් රාජ්යයට අයත් පර්සියානු ගුප්ත මුහුදු සීමාවල ගුවන් සීමාවන් භාවිතයෙන් වළකින ලෙස යුරෝපා සංගමයේ ගුවන් ආරක්ෂක ඒජන්සිය (EASA) ගුවන් සමාගම් වෙත නිකුත් කර තිබූ අනතුරු ඇඟවීම සැප්තැම්බර් 30 දක්වා දීර්ඝ කර තිබේ.
කෙසේවෙතත්, අදාළ රටවල ගුවන්තොටුපොළවල් වෙත ගොඩබෑම සහ පිටත්වීම සඳහා සුදුසු ආරක්ෂිත පියවර අනුගමනය කරමින් ගුවන් ගමන් පැවැත්වීමට අවසර ලබා දෙමින් EASA ආයතනය මීට පෙර පනවා තිබූ සම්පූර්ණ තහනම යම්තාක් දුරකට ලිහිල් කර ඇත. ඇමෙරිකාව සහ ඉරානය අතර යළිත් හමුදාමය ගැටුම් ආරම්භ වීමත් සමඟ මෙම අලුත් උපදෙස් මාලාව නිකුත් කර ඇති අතර, ඉරානය, ඉරාකය සහ ලෙබනනය යන රටවල ගුවන් සීමාවන් භාවිත නොකරන ලෙසට කළ දැනුම්දීම ද සැප්තැම්බර් අග දක්වා දීර්ඝ කර තිබේ. ජෝර්දාන ගුවන් සීමාව සම්බන්ධයෙන් පනවා තිබූ තහනම ඉවත් කර ඇති නමුත්, විමසිලිමත්ව ගුවන් ගමන් පවත්වන ලෙස උපදෙස් දී ඇත.
තොරතුරු උපුටා ගැනීම: Reuters ඇසුරින්
