ශ්රී ලංකාවට පැමිණෙන දෙස් විදෙස් සංචාරකයන්ට උණුසුම් සහ සැබෑ ශ්රී ලාංකේය ආගන්තුක සත්කාරය පිරිනැමීමේ අරමුණින්, කටුනායක බණ්ඩාරනායක ජාත්යන්තර ගුවන්තොටුපොළ (BIA) මගින් පිරිසිදු ලංකා තේ (Ceylon Tea) ප්රවර්ධනය කිරීමේ විශේෂ වැඩසටහනක් ක්රියාත්මක කර තිබේ.
ශ්රී ලංකා ගුවන්තොටුපොළ සහ ගුවන් සේවා සමාගම සඳහන් කරන්නේ 2021 වසරේ සිට ක්රියාත්මක වන මෙම වැඩසටහන මගින්, මෙරටට පා තබන සංචාරකයන්ට ශ්රී ලංකාවේ ප්රමුඛතම තේ උරුමය මුල සිටම අත්විඳීමට අවස්ථාව සැලසෙන බවයි. ශ්රී ලංකා තේ මණ්ඩලය (Sri Lanka Tea Board) සමඟ එක්ව ක්රියාත්මක කරන මෙම වැඩසටහන යටතේ, අලුතින් ආරම්භ වන ගුවන් වාරවල ප්රථම මගීන් සහ විශේෂ උත්සව අවස්ථාවන්හිදී පැමිණෙන සංචාරකයන් වෙනුවෙන් විශේෂ ලංකා තේ තෑගි පාර්සල් පිරිනැමීමට ද කටයුතු යොදා ඇත. ශ්රී ලාංකේය සංස්කෘතියේ සහ තේ කර්මාන්තයේ විශිෂ්ටත්වය ජාත්යන්තර සංචාරකයන් අතරට ගෙන යාම මෙහි ප්රධාන අරමුණයි.
