22 වන ආණ්ඩුක්රම ව්යවස්ථා සංශෝධනය සම්බන්ධයෙන් දැඩි විරෝධය පළ කරන බවත්, ධනේශ්වර නීතිය යටතේ පවතින ප්රජාතන්ත්රවාදී අවකාශය පවා මේ හරහා ඇහිරී යන බව ජන අරගල සන්ධානයේ විධායක සභික උපාලි ලෙව්ලියද්ද මහතා පවසයි.
රනිල් වික්රමසිංහ හෝ මහින්ද රාජපක්ෂ වැනි නායකයන් මෙවැනි දෙයක් කළා නම් එය අරුමයක් නොවන බව පෙන්වා දෙන ඒ මහතා, ජනතා විමුක්ති පෙරමුණ හෙවත් ජාතික ජන බලවේගය යනු අතීතයේ ප්රජාතන්ත්රවාදය වෙනුවෙන් විශාල කැපකිරීම් සහ ජීවිත පරිත්යාග කළ පක්ෂයක් බව සිහිපත් කරයි. එහෙත් අද ඔවුන් ක්රියාත්මක කරන ආකාරය දෙස බලන විට පෙනී යන්නේ, මෙය ජේ.ආර්. ජයවර්ධන මහතාගේ ව්යවස්ථාව ආරක්ෂා කරමින් එය ඉදිරියට ගෙන යාමේ ගමනක් බවත්, ප්රභූ පන්තියට එරෙහිව බලයට පැමිණි කණ්ඩායමකින් මෙგැනි ක්රියාමාර්ගයක් අපේක්ෂා නොකළ බවත් ඔහු වැඩිදුරටත් සඳහන් කරයි.
