රට තුළ පවතින සංවිධානාත්මක ‘රැකියා මාෆියාව’ හේතුවෙන් විදේශ රැකියා අපේක්ෂාවෙන් සිටින දහස් සංඛ්යාත ජනතාවගේ බලාපොරොත්තු සුන්වෙමින් පවතින බව විපක්ෂ නායක සජිත් ප්රේමදාස මහතා ප්රකාශ කරයි. පොල්දූව හංදියේ විරෝධතාවයේ නිරත වූ ඊශ්රායල යටිතල පහසුකම් අංශයේ රැකියා අපේක්ෂකයින් හමුවෙමින් ඔහු අද (සැප්තැම්බර් 08) මේ බව පැවසීය.
රජයේ විදේශ රැකියා ප්රතිපත්තිය ඉතා දුර්වල එකක් බවත් ඊශ්රායල රැකියා ලබාදීමේ වැඩපිළිවෙල අසාර්ථක වී ඇති බවත් විපක්ෂ නායකවරයා චෝදනා කළේය. පොලිස් වාර්තා සහ සුදුසුකම් පරීක්ෂණ සමත් වී සිටියද වසර දෙකක් තිස්සේ යටිතල පහසුකම් අංශයේ කිසිදු රැකියාවක් ලබාදී නොමැති බවත්, 560 දෙනෙකු තවමත් රැකියා එනතුරු බලා සිටින අතර තවත් 1,200 දෙනෙකු ලොතරැයි ක්රමය තුළ සිරවී සිටින බවත් ඔහු පෙන්වා දුන්නේය. රජය හරහා යන අයෙකුට රුපියල් මිලියනයක් වැයවන අතරතුර පෞද්ගලික ඒජන්සි හරහා යන අයගෙන් රුපියල් මිලියන 3.5ක් අයකරමින් සූරාකෑම් සිදුකරන බවට චෝදනා කළ ඔහු, රුපියල් මිලියනයක මුදලට ඊශ්රායලයට යාමට හැකි සාධාරණ ක්රමවේදයක් සකස් කරන ලෙසත්, මෙම වංචනික රැකියා මාෆියාව අහෝසි කරන ලෙසත් රජයෙන් ඉල්ලා සිටියේය.
