රුසියාව විසින් යුක්රේනය වෙත පූර්ණ පරිමාණ ආක්රමණය ආරම්භ කර දින 1,660ක් ගතවී ඇති අතර, එම කාලසීමාව රුසියාව පළමු හෝ දෙවන ලෝක යුද්ධවල නිරත වූ කාලසීමාවන් ද අභිබවා ගොස් තිබේ. මෙම දීර්ඝ කාලීන යුද ගැටුම් හේතුවෙන් රුසියාවට සිදුව ඇති අතිමහත් ජීවිත හානිය සහ ආර්ථික පාඩුව පිළිබඳ තොරතුරු බ්රිතාන්ය හමුදා බුද්ධි අංශ මඟින් අනාවරණය කර ඇත.
බ්රිතාන්ය බුද්ධි අංශ තක්සේරුවලට අනුව, මේ වන විට රුසියානු සෙබළුන් 500,000කට ආසන්න සංඛ්යාවක් ජීවිතක්ෂයට පත්ව ඇති අතර, තුවාල ලැබූවන් ද ඇතුළුව සමස්ත ජීවිත හානිය මිලියන 1.5ක් (ලක්ෂ 15ක්) පමණ වේ. මෙම හානියෙන් බහුතරයක් 2023 වසරේ ජනවාරි මාසයෙන් පසුව සිදුව ඇති බව ද සඳහන් වේ. එමෙන්ම, බ්රිතාන්ය හමුදා ප්රධානියා පෙන්වා දෙන්නේ මෙතරම් විශාල ජීවිත හානියක් සිදුකරගනිමින් රුසියාව ලබාගෙන ඇත්තේ යුක්රේන භූමියෙන් තවත් 2%ක තරම් සීමිත ප්රමාණයක් පමණක් බවයි.
අතිවිශාල පිරිවැයක් දැරීමට සිදුවීම හේතුවෙන් මන්දගාමී ආර්ථික වර්ධනය, හීන වූ පාරිභෝගික ඉල්ලුමය සහ අධික උද්ධමනය හමුවේ රුසියානු ආර්ථිකයට ද දැඩි බලපෑම් එල්ල වී තිබේ. කෙසේ වෙතත්, මෙතරම් දැවැන්ත ජීවිත සහ ආර්ථික හානියක් සිදුව තිබියදීත්, යුක්රේනය නැවත මොස්කව් පාලනය යටතට ගැනීමේ සිය ප්රධාන අරමුණ වෙනස් කිරීමට ජනාධිපති ව්ලැදිමීර් පුටින් සූදානම් බවට කිසිදු සලකුණක් නොමැති බව බටහිර බලධාරීන් වැඩිදුරටත් පෙන්වා දෙයි.
