ශ්රී ලංකා යුද හමුදාවේ විශ්රාමික කර්නල් නලින් හේරත් මහතා ජාත්යන්තර ‘ලෝක සාම මණ්ඩලයේ’ (World Peace Board – WPB) යුද කටයුතු පිළිබඳ ගෝලීය පාලක සභාවේ සාමාජිකයෙකු ලෙස පත් කර තිබේ. ගැටුම් වළක්වා ගැනීම සහ ගෝලීය සාමය තහවුරු කිරීම වෙනුවෙන් පෙනී සිටින මෙම ජාත්යන්තර සංවිධානය සිය නිල නිවේදනයක් මඟින් මෙම පත්වීම ප්රකාශයට පත් කර ඇති අතර, ආරක්ෂක අමාත්යාංශයේ හිටපු මාධ්ය ප්රකාශක සහ ජාතික ආරක්ෂක අධ්යයන ආයතනයේ හිටපු අධ්යක්ෂ ජනරාල්වරයෙකු ලෙස ඔහු කටයුතු කර ඇත.
ජාතික ආරක්ෂාව, මානව හිමිකම් සහ උපායමාර්ගික සහයෝගීතාව පිළිබඳ පුළුල් අත්දැකීම් සහිත නලින් හේරත් මහතාගේ මෙම පත්වීම හරහා යුද්ධය වැළැක්වීම සඳහා ආරක්ෂක අංශ සතු විශේෂඥතාව ඵලදායී ලෙස යොදා ගැනීම අපේක්ෂා කෙරේ. වර්තමානයේ ලංකා නැව් වාණිජ මණ්ඩලයේ මහලේකම්වරයා ලෙසද කටයුතු කරන ඔහු, ඉන්දියන් සාගර කලාපීය භූ-දේශපාලනික ආතතීන් සහ සාගරික වෙළඳ මාර්ගවල ආරක්ෂාව පිළිබඳ ගෝලීය අවධානය යොමුව ඇති වටපිටාවක ශ්රී ලංකාව නියෝජනය කරමින් මෙම ජාත්යන්තර තනතුරට පත්ව ඇත.
