ව්යවසායකයින්ට නව ව්යාපාර ආරම්භ කිරීමේදී සහ පවත්වාගෙන යාමේදී රාජ්ය යාන්ත්රණය හරහා මුහුණ දීමට සිදුවන දුෂ්කරතා සහ බාධා මඟහරවා ගැනීම සඳහා ජාතික ව්යාපාර පහසුකම් මධ්යස්ථානයක් ස්ථාපිත කර ඇති බව ජනාධිපති ජ්යෙෂ්ඨ අතිරේක ලේකම් සීවලී අරුක්ගොඩ මහතා පවසයි. ජනාධිපති සංකල්පයක් මත ක්රියාත්මක වන මෙම මධ්යස්ථානය හරහා ඉඩම්, ජලය, විදුලිය සහ මාර්ග වැනි යටිතල පහසුකම් ලබාගැනීමේදී මතුවන ගැටලු මෙන්ම විවිධ රජයේ ආයතනවලින් බලපත්ර සහ අනුමැතිය ලබාගැනීමේදී සිදුවන ප්රමාදයන් විසඳීමට අපේක්ෂා කෙරේ.
මෙම මධ්යස්ථානය අදියර දෙකක් යටතේ සංවර්ධනය කිරීමට සැලසුම් කර ඇති අතර, පළමු අදියරෙන් ව්යවසායකයින්ගේ පවතින ගැටලු අදාළ බලධාරීන් වෙත යොමු කර විසඳුම් ලබාදීමටත්, දෙවන අදියර යටතේ අනාගත ආයෝජකයින්ට අවශ්ය ව්යාපාර යෝජනා සහ සියලුම අනුමැතියන් එකම වහලක් යටතේ ලබාදීමටත් කටයුතු යොදා ඇත. රාජ්ය යාන්ත්රණය හමුවේ ගැටලුවලට මුහුණ දෙන ව්යවසායකයින්ට එම ගැටලු මෙම මධ්යස්ථානය වෙත යොමු කර ඒවා විසඳා ගැනීමට පහසුකම් සපයා ගත හැකිය.
