කතානායක වෛද්ය ජගත් වික්රමරත්න මහතාට එරෙහිව විශ්වාසභංග යෝජනාවක් ඉදිරිපත් කිරීමට සමගි ජන බලවේගය තීරණය කර තිබේ. පසුගිය 21 වැනිදා පැවති එම පක්ෂයේ පාර්ලිමේන්තු මන්ත්රී කණ්ඩායම් රැස්වීමේදී මෙම තීරණය ගෙන ඇති බව පක්ෂ මහලේකම් රංජිත් මද්දුම බණ්ඩාර මහතා සඳහන් කර තිබේ.
ඒ අනුව අදාළ විශ්වාසභංග යෝජනාව නුදුරු දිනකදී කතානායකවරයා වෙත භාරදීමට නියමිත බව මහලේකම්වරයා ප්රකාශ කර ඇත. කතානායකවරයාට අදාළ කරුණු ඇතුළත් කරමින් එම යෝජනාව සකස් කර ඇති බවද සඳහන් වේ.
අදාළ විශ්වාසභංග යෝජනාවට කරුණු 40කට අධික සංඛ්යාවක් ඇතුළත් කර ඇති බව රංජිත් මද්දුම බණ්ඩාර මහතා සඳහන් කර තිබේ. මේ අතර පාර්ලිමේන්තු නිල වාර්තාවලට අනුව වෛද්ය ජගත් වික්රමරත්න මහතා මේ වන විට කතානායක ධුරය දරමින් සිටී.
