ආර්ජන්ටිනා පාපන්දු කණ්ඩායම වෙනුවෙන් වසර 21ක් පුරා ක්‍රීඩා කළ ලයනල් මෙසී සිය ජාත්‍යන්තර පාපන්දු දිවියට සංවේදී සමුගැනීමක් ලබාදී තිබේ.
බුවනෝස් අයර්ස්හි 85,000කට අධික ප්‍රේක්ෂක පිරිසක් ඉදිරියේ බෙනින් කණ්ඩායමට එරෙහිව පැවති තරගය ඔහුගේ අවසන් ජාත්‍යන්තර තරගය වූ අතර, එහිදී ආර්ජන්ටිනාව ගෝල 3-0ක ජයක් වාර්තා කළේය.
මෙසී සිය 208 වැනි ජාත්‍යන්තර තරගයට ක්‍රීඩා කරමින් 126 වැනි ජාත්‍යන්තර ගෝලය ද වාර්තා කළ අතර, නිකොලස් ඔටමෙන්ඩිගේ ගෝලයට සහාය ලබාදීමටද සමත් විය.
තරගයේ 71 වැනි මිනිත්තුවේදී දඬුවම් පහරක් සාර්ථක කරගනිමින් සිය අවසන් ජාත්‍යන්තර තරගය ගෝලයකින් සනිටුහන් කළ මෙසී, තරගය අතරතුරදී සහ අවසානයේදී ආර්ජන්ටිනා ප්‍රේක්ෂකයන්ගෙන් උණුසුම් උපහාර ලැබීය.
මෙසී 2022 ලෝක කුසලානය ආර්ජන්ටිනාවට දිනාදීම ඇතුළුව කෝපා ඇමරිකා ශූරතා දෙකක් ද ජාත්‍යන්තර පාපන්දු දිවියේදී දිනාගෙන තිබේ.
ඔහු තවදුරටත් Inter Miami කණ්ඩායම සමඟ 2028 වසර දක්වා ගිවිසුම්ගතව සිටින නමුත්, ජාත්‍යන්තර පාපන්දු දිවියෙන් සමුගැනීමෙන් අනතුරුව ඔහුගේ ක්‍රීඩා දිවිය පිළිබඳ ඉදිරි තීරණය තවමත් අවිනිශ්චිතය.
