අද(21) උදෑසන කොළඹ ඇතුළු දිවයිනේ ස්ථාන 06ක සිදුවූ පිපිරීම්වලින් මේ වන විට පුද්ගලයින් 138 දෙනෙකු මියගොස් ඇති බව රෝහල් ආරංචි මාර්ග සඳහන් කරයි. මේ වන විට තවත් පුද්ගලයින් 402 කු තුවාල ලබා තිබේ.
කොළඹ මෙන්ම මඩකලපුව සියෝන් දේවස්ථානය අසළ ද අද උදැසන පිපිරීමෙන් පුද්ගලයින් විශාල පිරිසක් මිය ගොස් ඇති තිබේ.
පෙර පුවත 2019-04-21 10:58:08
කොළඹ සිදු වු පිපිරීමෙන් පුද්ගලයින් 25 මරුට … මේ වන විට සුපිරි හෝටල් දැඩි පරික්ෂාවට
කොළඹ ෂැන්ග්‍රීලා හෝටල් පරිශ්‍රයේ සහ කොළඹ සිනමන් ග්‍රෑන්ඩ් හෝටලය සහ කිංස්බරි හෝටල් පරිශ්‍රයේ පිපිරීමක් සිදු වී ඇති අතර කොටහේන දේවස්ථානයේ සිදු පිපිරීමෙන් මේ වනවිට රෝගීන් 160ක් පමණ රෝහල්ගත කර තිබේ.
මේ වන විට පුද්ගලයින් 25-30 අතර පිරිසක් මිය ගොස් ඇති බව වාර්තා වේ. මීගමුව කටුවාපිටිය දේවස්ථානයේ සිදු වු පිපිරීමෙන් 35දෙනෙකු පමණ තුවාල වී ඇති බව වාර්තා වේ.
තුවාල ලැබූවන් මේ වනවිට කොළඹ ජාතික රෝහලට රැගෙන එමින් පවතින අතර මේ වනවිට රෝගීන් 80කට අධික පිරිසක් රෝහල වෙත රැගෙන ඇති බව වාර්තා වේ.
කොළඹ හෝටල් පරිශ්‍රය ආශ්‍රිත පිපිරීම්වලින් විදේශිකයන් ඇතුළු සැලකිය යුතු පිරිසක් තුවාල ලබා තිබේ. මෙම පිපිරිම් හේතුවෙන් කොළඹ සුපිරි හෝටල් දැඩි පරික්ෂාවට ලක් කරන බව ආරක්ෂක අංශ වාර්තා කර සිටි.
