රැකියා අවස්ථා ලක්ෂයක් ලබා දීමේ දි උතුරු නැගෙනහිර ජනතාවටත් එයින් කොටසක් ලබා දෙන බවට ජනාධිපති සහ අගමැතිවරයා තමාට පොරොන්දු වු අමාත්‍ය ඩග්ලස් දේවානන්ද මහතා පවසයි.
දිවයින පුරා දිළිදු පවුල් වලට රැකියා අවස්ථා ලක්ෂයක් ලබාදීමට ජනාධිපති ගොඨාභය රාජපක්ෂ මහතා තීරණය කර ඇති අතර උතුරු නැගෙනහිර හැර අනිකුත් ප්‍රදේශවල ඊයේ සිට (02) මෙම රැකියා දීම ආරම්භ කර තිබුණි.
ඊයේ පැවති කැබිනටි මණ්ඩල රැස්වීමේදි අමාත්‍ය ඩග්ලස් දේවානන්දා මහතා, ජනාධිපතිවරයා දිළිදු පවුල් වලින් 100000 කට වහාම නව රැකියා ලබා දීමේ ව්‍යාපෘතියෙන් උතුරු නැගෙනහිර ජනතාවට ද සහන අවශ්‍ය බව පවසා තිබේ.
මේ අවස්ථාවේ අදහස් දැක්වු ජනාධිපතිවරයා හා අගමාත්‍යවරයා කියා ඇත්තේ මේ රට එක රටක් බවත් එක නීතියක් බවත් එම ප්‍රථිපත්තිය ක්‍රියාත්මක කිරීමේදි රජය දැඩි ස්ථාවරයක පවතිමින් කටයුතු කරණ බවටද මේ අනුව කිසිදු ආකාරයකින් ජාති,ආගම්,පලාත් භේද හිස එසවීමට අවස්ථාවක් ලබා නොදෙන බවද පෙන්වා දුන්හ.
දිළිදු පවුල් වලට රැකියා ලක්ෂයක් ලබා දීමේ කටයුතු යම්කිසි හේතුවක් මත දැනට උතුරු නැගෙනහිර පළාත්වල අත්හිටුවා ඇති බවත් හැකි ඉක්මණින් එම පළාත් වලට නව රැකියා ලබා දීමට කටයුතු කරණ බවත් එම නිසා එම පළාත් වල ජනතාව අනවශ්‍ය ලෙස කළබලයට පත් නොවිය යුතු බවද ජනාධිපතිවරයා හා අගමැතිවරයා තමාට පැවසු බව අමාත්‍ය දේවානන්දා ප්‍රකාශ කරයි.
