කැනඩාවේ බ්රිටිෂ් කොලොම්බියා (British Columbia) පළාතේ උසස් පාසලක ඊයේ (10) සිදු වූ අතිශය කණගාටුදායක වෙඩි තැබීමකින් පුද්ගලයන් දස දෙනෙකු ජීවිතක්ෂයට පත්ව ඇති බව විදෙස් මාධ්ය වාර්තා කරයි. මියගිය පිරිස අතර පාසල තුළ සිටි හය දෙනෙකු, අසල නිවසක දෙදෙනෙකු සහ රෝහල් ගත කිරීමෙන් පසු තවත් අයෙකු වන බව තහවුරු වී ඇත.
පොලිසිය පවසන පරිදි ප්රහාරය එල්ල කළ සැකකරු ද මේ වන විට මියගොස් ඇති බවට විශ්වාස කෙරේ. මෙම සිදුවීමත් සමඟ ප්රදේශයේ පාසල් වසා දමා දැඩි ආරක්ෂක විධිවිධාන ක්රියාත්මක කර ඇති අතර, රාජකීය කැනේඩියානු මවුන්ටඩ් පොලිසිය (RCMP) සහ ගිලන්රථ සේවා ඇතුළු අතිරික්ත සම්පත් රැසක් එම ප්රජාව වෙත යොමු කර තිබේ. ආරක්ෂක හේතූන් මත සිද්ධිය සම්බන්ධ වැඩිදුර තොරතුරු මෙතෙක් අනාවරණය කර නොමැත.
