සෞඛ්ය අමාත්යාංශයේ නිල ෆේස්බුක් පිටුවෙහි උපත් පාලනය පිළිබඳව පළකළ සටහනක් සහ ඡායාරූපයක් මේ වන විට දැඩි ආන්දෝලනයට ලක්ව තිබේ. විපක්ෂ නායක සජිත් ප්රේමදාස මහතා ඒදණ්ඩක් මතින් ගමන් කිරීමට උත්සාහ කළ ප්රසිද්ධ දර්ශනයක් කාටුන් ආකාරයෙන් යොදාගනිමින්, උපත් පාලන පෙතිවලට වඩා කොන්ඩම් භාවිතය සෞඛ්ය සම්පන්න බවත් එමගින් ලිංගාශ්රිත රෝග වළක්වා ගත හැකි බවත් අදාළ සටහන මගින් පෙන්වා දී තිබුණි. සෞඛ්ය අමාත්ය නලින්ද ජයතිස්ස මහතා යටතේ පවතින අමාත්යාංශයක නිල පිටුවක මෙවැනි අපහාසාත්මක අන්තර්ගතයක් පළවීම පිළිබඳව සමාජ මාධ්ය පරිශීලකයන් සිය දැඩි අප්රසාදය පළකර සිටියි.
විශේෂයෙන්ම ජාතික ජන බලවේගයේ (මාලිමාවේ) පාක්ෂිකයන් පවා මෙම ක්රියාව විවේචනය කරමින් පවසා ඇත්තේ, මෙය ජනතා විමුක්ති පෙරමුණේ අතීත දේශපාලන සදාචාරයට පටහැනි “තුට්ටු දෙකේ වැඩක්” බවයි. වෙනත් දේශපාලන පක්ෂ නායකයෙකු ඉලක්ක කරගනිමින් රජයේ නිල පුවත් නාලිකා හරහා මෙවැනි මඩ ප්රචාර සිදුකිරීම සදාචාරාත්මක නොවන බව බොහෝ දෙනා පෙන්වා දෙති. මීට පෙරද ජනාධිපතිවරයාගේ නිල දෙමළ ෆේස්බුක් පිටුවෙහි හිටපු රාජ්ය අමාත්ය සීතා අරඹේපොළ මහත්මියට අපහාස වන අයුරින් සටහනක් පළවූ අතර, ඒ සම්බන්ධයෙන් ද මෙතෙක් කිසිදු පරීක්ෂණයක් හෝ කණගාටුව පළකිරීමක් සිදුව නොමැති බව විචාරකයෝ සිහිපත් කරති.
