ඉරානය සමඟ පවතින යුදමය ආතතිය ඉහළ යාමත් සමඟ ඊශ්රායලයේ සිවිල් ආරක්ෂක පද්ධතිය ඕනෑම ප්රහාරයකට මුහුණ දීම සඳහා සූදානම් කර ඇති බව එරට ආරක්ෂක අංශ ප්රකාශ කරයි. හදිසි අවස්ථා ඒකක, ශක්තිමත් යටිතල පහසුකම් සහ පුහුණු කළ සහන කණ්ඩායම් හරහා ඕනෑම දරුණු තර්ජනයක් හමුවේ වුවද ජනතාවගේ ආරක්ෂාව තහවුරු කළ හැකි බව කර්නල් නීර් නියුමන් (Nir Neuman) සඳහන් කළේය. විශේෂයෙන්ම විදුලි උත්පාදන මධ්යස්ථාන වැනි වැදගත් ස්ථාන ඉලක්ක කර එල්ල වන ප්රහාර ව්යර්ථ කිරීමට අවශ්ය පූර්ව සූදානම මේ වන විටත් ගෙන තිබේ.
2023 ඔක්තෝබර් 07 වනදා එල්ල වූ හමාස් ප්රහාරයෙන් උගත් පාඩම් උපයෝගී කරගනිමින්, සාම්ප්රදායික ක්රමවේදවලින් ඔබ්බට ගිය නව ආරක්ෂක උපායමාර්ග ඊශ්රායලය විසින් අනුගමනය කරනු ලබයි. ආරක්ෂිත කාමර සූදානම් කර ගැනීම, අත්යවශ්ය ආහාර, ජලය සහ ප්රථමාධාර කට්ටල ළඟ තබා ගැනීම වැනි පෞද්ගලික සූදානම අඛණ්ඩව පවත්වා ගන්නා ලෙස බලධාරීහු ජනතාවගෙන් ඉල්ලා සිටිති. මෙවැනි තර්ජන හමුවේ ජනතාවගේ මානසික ශක්තිය සහ පූර්ව සූදානම ඊශ්රායලයේ ප්රබලම අවිය වන බව ද කර්නල් නියුමන් වැඩිදුරටත් අවධාරණය කළේය.
