හුරිගස්වැව පොලිස් වසමට අයත් කලංකුට්ටිය ප්රදේශයේදී ඊයේ (18) සවස සිදුවූ අවාසනාවන්ත රිය අනතුරකින් 26 හැවිරිදි තරුණයෙකු ජීවිතක්ෂයට පත්ව තිබේ. කලංකුට්ටිය ඇල මාර්ගය අසල මාර්ගයේ ධාවනය වෙමින් තිබූ ට්රැක්ටර් රථයක් පාලනය කරගත නොහැකිව ඇලට පෙරළීමෙන් මෙම අනතුර සිදුව ඇත.
අනතුරින් බරපතළ තුවාල ලැබූ ට්රැක්ටර් රථයේ රියදුරු වහාම තඹුත්තේගම රෝහලට ඇතුළත් කිරීමට පියවර ගත්තද, ඒ වන විටත් ඔහු මියගොස් සිටි බව පොලිසිය පවසයි. මියගිය තරුණයා කලංකුට්ටිය ප්රදේශයේම පදිංචිකරුවෙකි. ට්රැක්ටර් රථය අපරික්ෂාකාරී ලෙස ධාවනය කිරීම අනතුරට හේතුවන්නට ඇතැයි පොලිසිය සැක කරන අතර, හුරිගස්වැව පොලිසිය සිද්ධිය සම්බන්ධයෙන් වැඩිදුර විමර්ශන පවත්වයි.
