මහවැලි ගඟ පිටාර ගැලීම හේතුවෙන් සෝමාවතිය–සුංගාවිල ප්රධාන මාර්ගය ජලයෙන් යටවීම නිසා එම මාර්ගයේ වාහන ගමනාගමනය තවදුරටත් අත්හිටුවා තිබේ. දිග්ගල ප්රදේශයේ කිලෝමීටර් 35 සහ 37 අතර කලාපය මෙලෙස ජලයෙන් යටවී ඇති අතර, මාර්ගය හරහා අඩි දෙකහමාරක පමණ ජල කඳක් ගලා යන බව වාර්තා වේ.
සෝමාවතිය පුදබිම වැඳපුදා ගැනීමට පැමිණෙන බැතිමතුන් සහ ප්රදේශවාසීන් මාර්ගයේ පවතින මෙම අවදානම් තත්ත්වය පිළිබඳව දැඩි අවධානයක් යොමු කළ යුතුය. කුඩා වාහන සහ ත්රිරෝද රථ සඳහා ගමන් කිරීම දැනටමත් තහනම් කර ඇති අතර, පොලිසිය උපදෙස් ලබා දෙන්නේ හැකි සෑම විටම විකල්ප මාර්ග භාවිතා කරන ලෙසයි.
කාලගුණික තත්ත්වය මත ජල මට්ටම තවදුරටත් ඉහළ යාමේ අවදානමක් පවතින බැවින්, මෙම මාර්ගයේ ගමන් කිරීමට අපේක්ෂා කරන රියදුරන් ආරක්ෂක අංශ ලබා දෙන උපදෙස් පිළිපැදීම අත්යවශ්ය වේ. ජලය බැස යන තෙක් මාර්ගය විවෘත කිරීම අනතුරුදායක විය හැකි බව බලධාරීන් පෙන්වා දෙයි.
