මැදපෙරදිග කලාපය පුරා යුද ගින්න පැතිර යද්දී, කුවේටයේදී ඇමරිකානු ගුවන් හමුදාවට අයත් F-15 ප්රහාරක යානයක් කඩා වැටී ඇති බව ඉරානය පවසයි. යානය කඩා වැටීමට මොහොතකට පෙර එහි නියමුවා පැරෂුට් ආධාරයෙන් ඉවතට පනින අයුරු දැක්වෙන වීඩියෝ දර්ශන මේ වන විට සමාජ මාධ්ය ඔස්සේ ප්රචාරය වෙමින් පවතී.
යානය කඩා වැටීමට හේතුව හෝ එහි සිටි කාර්ය මණ්ඩලයේ තත්ත්වය පිළිබඳව ඇමරිකානු හෝ කුවේට් බලධාරීන් මෙතෙක් නිල ප්රකාශයක් නිකුත් කර නොමැත. මෙම යානය සටන් මෙහෙයුමක නිරත වෙමින් සිටියේද නැතහොත් පුහුණු පියාසර කිරීමක නිරත වූයේද යන්න පිළිබඳව ද මෙතෙක් අනාවරණය වී නොමැත.
ඉරාන උත්තරීතර නායක අයතුල්ලා අලි කමේනි ඝාතනය කිරීමට ප්රතිචාර ලෙස ඉරානය දියත් කර ඇති දැවැන්ත මිසයිල සහ ඩ්රෝන ප්රහාර මාලාව හමුවේ කුවේටය, බහරේනය සහ එක්සත් අරාබි එමීර් රාජ්යය යන රටවල ගුවන් සීමාවන් දැඩි අවදානමකට ලක්ව තිබේ. මෙම උණුසුම් තත්ත්වය හමුවේ ඇමරිකානු හමුදා ද ප්රතිප්රහාර එල්ල කරමින් සිටින බව වාර්තා වේ.
දශක කිහිපයකට පසු අමෙරිකාව සහ ඉරානය අතර ඇති වූ දරුණුතම ගැටුම ලෙස මෙය සැලකෙන අතර, කලාපය පුරා සිදුවන සිවිල් සහ හමුදාමය හානි තවදුරටත් ඉහළ යමින් පවතී.
