මැදපෙරදිග කලාපයේ උද්ගතව ඇති යුදමය තත්ත්වය හේතුවෙන් ශ්රී ලංකාවේ ආහාර සුරක්ෂිතතාවට එල්ල විය හැකි බලපෑම් කළමනාකරණය කර ගැනීම සඳහා රජය විශේෂ වැඩපිළිවෙළක් ආරම්භ කර තිබේ. අමාත්යවරුන් වන කේ. ඩී. ලාල් කාන්ත සහ වසන්ත සමරසිංහ යන මහත්වරුන්ගේ ප්රධානත්වයෙන් පැවැති ආහාර ප්රතිපත්ති සහ සුරක්ෂිතතා කමිටු රැස්වීමේදී මේ පිළිබඳව දීර්ඝ වශයෙන් සාකච්ඡා විය.
මෙම අවස්ථාවට අග්රාමාත්ය ලේකම් ප්රදීප් සපුතන්ත්රී මහතා ඇතුළු අමාත්යාංශ ලේකම්වරුන් පිරිසක් සහභාගී වූහ. මැදපෙරදිග අර්බුදය හමුවේ මෙරට පාරිභෝගිකයාට ඇති විය හැකි පීඩනය අවම කිරීම රජයේ මූලික අරමුණ වී තිබේ.
