ඝර්ම කලාපීය රටවල චර්ම රෝග පිළිබඳ ජාත්යන්තර දෙවැනි විශේෂඥ සමුළුව හෙට (මාර්තු 11) සිට මාර්තු 14 දක්වා කොළඹ ෂැංග්රිලා හෝටලයේදී පැවැත්වීමට නියමිතය. චර්ම රෝග ක්ෂේත්රයේ නවතම සොයාගැනීම් සහ අනාගත ප්රවණතා පිළිබඳව සාකච්ඡා කෙරෙන මෙම සුවිශේෂී සමුළුව සඳහා දෙස් විදෙස් නියෝජිතයන් සහ විශේෂඥයන් රැසක් සහභාගී වීමට නියමිත බව වාර්තා වේ. සමුළුවේ සමාරම්භක උත්සවය හෙට රාත්රී 7:00 ට සම්භාවනීය අමුත්තන්ගේ ප්රධානත්වයෙන් පැවැත්වේ.
මෙම ජාත්යන්තර සමුළුව සඳහා විදේශ නියෝජිතයන් සහ විශේෂඥයන් 300කට අධික පිරිසක් මෙරටට පැමිණෙන අතර විදේශීය සම්පත්දායකයන් 45 දෙනෙකු සිය පර්යේෂණ පත්රිකා සහ දේශන ඉදිරිපත් කිරීමට සූදානමින් සිටිති. මීට අමතරව ශ්රී ලංකාව නියෝජනය කරමින් චර්ම රෝග විශේෂඥයන් සහ සම්පත්දායකයන් 150 දෙනෙකු මෙම සැසිවාර සඳහා දායකත්වය ලබා දීම මෙරට වෛද්ය ක්ෂේත්රයට මහත් ගෞරවයකි.
මෙවැනි ඉහළ පෙළේ ජාත්යන්තර සමුළුවක් ශ්රී ලංකාව තුළ පැවැත්වීම හරහා මෙරට වෛද්ය සංචාරක කර්මාන්තයට මෙන්ම ජාත්යන්තර අවධානය දිනා ගැනීමට ද මහඟු අවස්ථාවක් උදාවනු ඇතැයි සංවිධායකයෝ අපේක්ෂා කරති. ඝර්ම කලාපීය රටවල බහුලව දක්නට ලැබෙන චර්ම රෝග සඳහා නවීන ප්රතිකාර ක්රම හඳුන්වා දීමටත්, ලොව පුරා විසිරී සිටින විශේෂඥයන් අතර දැනුම හුවමාරු කර ගැනීමටත් මෙම සිව්දින සමුළුව මගින් අවස්ථාව සැලසේ.
