ලෝක වෙළඳපොළේ පවතින අසාමාන්ය යුද තත්ත්වය හමුවේ ඉන්ධන පිරිවැය ඉහළ ගොස් ඇති බැවින්, පවතින අර්බුදකාරී තත්ත්වය සමනය වන තෙක් අත්යවශ්ය කටයුතු සඳහා පමණක් ඉන්ධන භාවිත කරන ලෙසත්, අනවශ්ය ගමන් බිමන් සීමා කරන ලෙසත් ලංකා ඛනිජ තෙල් නීතිගත සංස්ථාවේ (CPC) සභාපති ඩී.ජේ.ඒ.එස්.ඩී. රාජකරුණා මහතා ජනතාවගෙන් කාරුණිකව ඉල්ලා සිටියි.
සභාපතිවරයා පෙන්වා දෙන්නේ පසුගිය සතිය තුළ පමණක් ජනතාව සාමාන්ය පරිභෝජන මට්ටම ඉක්මවා යමින් ඩීසල් මෙට්රික් ටොන් 59,200ක් සහ ඔක්ටේන් 92 පෙට්රල් මෙට්රික් ටොන් 47,500ක් රැස් කරගෙන ඇති බවයි. ජනතාව මෙලෙස කලබල වී ඉන්ධන රැස් නොකළේ නම්, අඩු මිලට ගෙන්වා තිබූ තොග මාසය අවසානය දක්වා පවත්වා ගනිමින් මිල සංශෝධනය ප්රමාද කිරීමට හැකියාව තිබූ බව ද ඔහු සඳහන් කළේය. දැනට මෙරටට ලැබෙන ඉන්ධන නැව් සඳහා ගෙවීම් කරනු ලබන්නේ ඒවා ගොඩබෑමේදී පවතින ඉහළ ලෝක වෙළඳපොළ මිල ගණන් අනුව බැවින් පිරිවැය කළමනාකරණය සඳහා ජනතාවගේ සහයෝගය අත්යවශ්ය බව සභාපතිවරයා වැඩිදුරටත් අවධාරණය කළේය.
