ඇමෙරිකාව සහ ඉරානය අතර පවතින යුදමය ගැටුම අතිශය තීරණාත්මක මට්ටමකට පැමිණ ඇති අතර, ඉරාන විප්ලවීය ආරක්ෂක බලකාය (IRGC) අඟහරුවාදා (10) ප්රකාශ කළේ ඉරානයට එල්ල කරන ප්රහාර නතර නොකරන්නේ නම් මැදපෙරදිගින් “තෙල් ලීටරයක් හෝ” නැව්ගත කිරීමට ඉඩ නොදෙන බවයි. මෙම තර්ජනයත් සමඟ ලෝක තෙල් වෙළඳපොළ දැඩි නොසන්සුන්තාවයකට පත්ව ඇති අතර, හෝර්මූස් සමුද්ර සන්ධිය අවහිර කළහොත් ඊට විසි ගුණයක ප්රබල ප්රහාරයකින් ප්රතිචාර දක්වන බවට ඇමෙරිකානු ජනාධිපති ඩොනල්ඩ් ට්රම්ප් අනතුරු අඟවා තිබේ.
පවතින නාවික අවහිරතාවය හේතුවෙන් සෞදි අරාබියේ ඇරම්කෝ (Aramco) සමාගම පෙන්වා දෙන්නේ ගෝලීය තෙල් සැපයුමට විනාශකාරී බලපෑම් එල්ල විය හැකි බවයි. පසුගිය පෙබරවාරි අග සිට ඇමෙරිකානු සහ ඉශ්රායල ප්රහාරවලින් ඉරාන වැසියන් 1,332ක් මියගොස් ඇති බව වාර්තා වේ. ඉරානයේ පූජක පාලනය පෙරළා දමා වොෂින්ටනයට අවනත රජයක් පිහිටුවීම සිය අරමුණ බව ට්රම්ප් පවසන අතර, නව උත්තරීතර නායක මොජ්ටාබා කමේනිගේ පත්වීමත් සමඟ යුද්ධය අවසන් වීමේ බලාපොරොත්තු තවදුරටත් අවම වී ඇත. කෙසේ වෙතත්, ඇමෙරිකානු උපායමාර්ගික සංචිතවලින් තෙල් මුදාහැරීමේ පුවත් හේතුවෙන් අඟහරුවාදා වන විට බොරතෙල් මිල 10%ක පමණ තාවකාලික පහත වැටීමක් පෙන්නුම් කළේය.
