අමෙරිකානු ජනාධිපති ඩොනල්ඩ් ට්රම්ප් විසින් සිය පරිපාලනයේ නීති සම්පාදකයින්, ආයතන ප්රධානීන් සහ ධවල මන්දිර උපදේශකයින් වෙත ‘Florsheim’ වර්ගයේ පාවහන් යුගල බැගින් තෑගි කිරීමේ නව සම්ප්රදායක් ආරම්භ කර ඇති බව ‘The Wall Street Journal’ වාර්තා කරයි. 1892 දී චිකාගෝ නුවර ආරම්භ කරන ලද මෙම දේශීය පාවහන් සන්නාමය ලෝක යුද්ධ සමයන්හිදී අමෙරිකානු සෙබළුන් වෙනුවෙන් පාවහන් සැපයූ ඉතිහාසයක් ඇති අතර, මීට පෙර හිටපු ජනාධිපති හැරී ටෲමන් සහ සුපිරි තරුවක වූ මයිකල් ජැක්සන් ද මෙම සන්නාමය භාවිතා කර තිබේ.
ධවල මන්දිර නිලධාරීන් පවසන්නේ ජනාධිපතිවරයා ලබාදෙන මෙම තෑග්ග නොපැළඳ සිටීමට බොහෝ පිරිසක් බියක් දක්වන බැවින් මෙය දැන් ධවල මන්දිරය තුළ හාස්යජනක තත්ත්වයක් නිර්මාණය කර ඇති බවයි. මෙම පාවහන් යුගලයක මිල සහ ට්රම්ප් පාලන සමයේදී දේශීය නිෂ්පාදන දිරිමත් කිරීමේ අරමුණින් මෙම පියවර ගෙන ඇත්ද යන්න පිළිබඳව ද මේ වන විට විදෙස් මාධ්ය අවධානය යොමු කර තිබේ.
