එක්සත් ජනපදය, ඊශ්රායලය සහ ඉරානය අතර පවතින උග්ර යුදමය තත්ත්වය සැලකිල්ලට ගනිමින් ඩුබායි හි මිඩ්ල්සෙක්ස් විශ්වවිද්යාලය (Middlesex University Dubai) සිය සියලුම අධ්යයන කටයුතු මාර්ගගත ක්රමයට (Online) සිදු කිරීමට තීරණය කර ඇත. වසන්ත නිවාඩුවෙන් (Spring Break) පසුව එළඹෙන මාර්තු 23 වනදා සිට අප්රේල් 5 වනදා දක්වා කාලය තුළ මෙම තීරණය ක්රියාත්මක වන බව විශ්වවිද්යාල බලධාරීන් අද (13) නිවේදනය කළේය.
කලාපය තුළ පවතින ආරක්ෂක අවදානම සහ අස්ථාවරත්වය හමුවේ සිසුන්ගේ සහ කාර්ය මණ්ඩලයේ ආරක්ෂාව තහවුරු කිරීම සිය ප්රමුඛතාවය බව විශ්වවිද්යාලය අවධාරණය කරයි. ඒ අනුව, නියමිත කාලසටහනට අනුව පන්ති පැවැත්වෙන නමුත් සිසුන්ට නිවසේ සිටම ඊට සම්බන්ධ වීමට සිදුවනු ඇත. මැදපෙරදිග යුද්ධය හේතුවෙන් එක්සත් අරාබි එමීර් රාජ්යයේ අධ්යාපන ක්ෂේත්රයේ සිදුවන වෙනස්කම් මධ්යයේ මෙවැනි පියවරක් ගත් පළමු උසස් අධ්යාපන ආයතන අතරට මිඩ්ල්සෙක්ස් විශ්වවිද්යාලය ද එක් වේ.
පවතින තත්ත්වය හමුවේ නවතම තොරතුරු දැන ගැනීම සඳහා නිරන්තරයෙන් විශ්වවිද්යාල වෙබ් අඩවිය සහ විද්යුත් තැපෑල (Email) පරීක්ෂා කරන ලෙසට සිසුන්ට උපදෙස් දී තිබේ. යුද්ධය හේතුවෙන් කලාපීය වශයෙන් ගුවන් ගමන් සහ වෙළඳාමට මෙන්ම සාමාන්ය ජන ජීවිතයට ද විවිධ බාධා එල්ල වෙමින් පවතින පසුබිමක මෙම තීරණය ගෙන ඇත.
