පවතින බලශක්ති අර්බුදයට පිළියමක් ලෙස රාජ්ය සේවකයන් සඳහා සතියකට දින හතරක සේවා කාලයක් නියම කර, ඉතිරි දිනය ‘නිවසේ සිට වැඩ කිරීමේ’ (Work From Home) පදනම මත ක්රියාත්මක කිරීමේ හැකියාව පිළිබඳව රජයේ දැඩි අවධානය යොමුව තිබේ. මේ සම්බන්ධයෙන් වන අවසන් තීරණය ගැනීම සඳහා ජනාධිපති අනුර කුමාර දිසානායක මහතාගේ ප්රධානත්වයෙන් අද (16) පස්වරුවේ ජනාධිපති කාර්යාලයේදී විශේෂ සාකච්ඡාවක් පැවැත්වීමට නියමිතය.
මෙම තීරණාත්මක හමුව සඳහා සියලුම රාජ්ය ආයතන ප්රධානීන්ට ආරාධනා කර ඇති අතර, එහිදී ඉන්ධන පිරිමැසීම සඳහා ගත හැකි විකල්ප ක්රමවේද කිහිපයක් පිළිබඳවම සාකච්ඡා කිරීමට නියමිත බව රාජ්ය පරිපාලන අමාත්ය මහාචාර්ය චන්දන අබයරත්න මහතා තහවුරු කර ඇත. මීට අමතරව, දැනට ක්රියාත්මක ඉන්ධන බෙදාහැරීමේ පද්ධතිය තවදුරටත් විධිමත් කිරීමේ නව සැලසුම් ද මෙහිදී සමාලෝචනය කෙරෙනු ඇත.
