මැකාවුහි පටානේ (Patane) ප්රදේශයේ පදිංචි මහලු කාන්තාවක් බියට පත්කර රෝහල්ගත කිරීමේ සිද්ධියක් සම්බන්ධයෙන් හියුමනොයිඩ් රොබෝවරයෙකු (Humanoid Robot) පොලිස් නිලධාරීන් විසින් රැගෙන යන වීඩියෝවක් මේ වන විට සමාජ මාධ්ය ඔස්සේ දැඩි අවධානයට ලක්ව තිබේ. පසුගිය බ්රහස්පතින්දා සිදු වූ මෙම සිදුවීමේදී අදාළ කාන්තාව සිය දුරකථනය භාවිතා කරමින් සිටියදී ඇය පිටුපසින් රොබෝවරයා සිටිනු දැකීමෙන් දැඩි ලෙස බියට පත්ව ඇති අතර, එහි ප්රතිඵලයක් ලෙස ඇයට සුළු වේලාවකට රෝහල්ගත වීමට පවා සිදු වී ඇත.
සමාජ මාධ්ය ජාලවල සංසරණය වන වීඩියෝවක දැක්වෙන්නේ එම කාන්තාව රොබෝවරයා සමඟ කෝපයෙන් බහින්බස් වන ආකාරය සහ පසුව පැමිණෙන පොලිස් නිලධාරීන් දෙදෙනෙකු රොබෝවරයාගේ කර මත අත තබා ඔහුව එතැනින් රැගෙන යන ආකාරයයි. මෙම දර්ශන දුටු බොහෝ පිරිස් සමාජ මාධ්ය ඔස්සේ විහිළු තහළු කරමින් පවසා ඇත්තේ රොබෝවරයා “අත්අඩංගුවට පත්ව ඇති” බවයි.
මෙම සිදුවීමෙන් එම කාන්තාව පත් වූ අපහසුතාවය පිළිබඳව අදාළ රොබෝවරයා මෙහෙයවූ පාර්ශවය මේ වන විට සමාව අයැද තිබේ. නවීන තාක්ෂණය එදිනෙදා ජන ජීවිතයට මුසු වීමේදී ඇති විය හැකි මෙවැනි අසාමාන්ය සිදුවීම් පිළිබඳව ලොව පුරා දැඩි කතාබහක් මේ සමඟ නිර්මාණය වී ඇත.
