එක්සත් අරාබි එමීර් රාජ්යයේ (UAE) පිහිටි ලොව ප්රමුඛතම තෙල් ගබඩා කිරීමේ සහ අපනයනය කිරීමේ මධ්යස්ථානයක් වන ෆුජයිරා තෙල් කර්මාන්ත කලාපය (Fujairah Oil Industry Zone) ඉලක්ක කර ගනිමින් අද (මාර්තු 17) අලුයම ඉරාන ඩ්රෝන ප්රහාරයක් එල්ල වී තිබේ. හෝමුස් සමුද්ර සන්ධියෙන් (Strait of Hormuz) බැහැරව ඕමාන් බොක්ක ආසන්නයේ පිහිටා ඇති මෙම උපායමාර්ගික මධ්යස්ථානයට එල්ල වූ ප්රහාරය හේතුවෙන් එහි විශාල ගින්නක් හටගෙන ඇති බව ෆුජයිරා රජයේ මාධ්ය අංශය සහ ‘sentdefender’ වාර්තා කරයි. සිවිල් ආරක්ෂක කණ්ඩායම් මේ වන විට ගින්න පාලනය කිරීමට දැඩි උත්සාහයක නිරත වන අතර, ප්රහාරයෙන් ජීවිත හානි කිසිවක් වාර්තා වී නොමැති බව බලධාරීහු පවසති.
මෙම ප්රහාර මාලාව හමුවේ එක්සත් අරාබි එමීර් රාජ්යය විසින් අද අලුයම සිය රටේ ගුවන් සීමාව පූර්ණ ලෙස තාවකාලිකව වසා දැමීමට පියවර ගත් අතර, එය “අසාමාන්ය පූර්ව ආරක්ෂිත පියවරක්” බව එරට ගුවන් සේවා අධිකාරිය සඳහන් කළේය. ඩුබායි ජාත්යන්තර ගුවන් තොටුපළ වෙත පැමිණීමට නියමිතව තිබූ ගුවන් ගමන් කිහිපයක් ද මේ හේතුවෙන් අල් මක්ටූම් ගුවන් තොටුපළ වෙත හරවා යැවීමට සිදුවිය. ඉරානය විසින් එල්ල කර ඇති මෙම නවතම ඩ්රෝන සහ මිසයිල තර්ජන හමුවේ කලාපීය ආරක්ෂාව පිළිබඳව දැඩි අවදානමක් මතුව ඇති බව එක්සත් අරාබි එමීර් රාජ්යයේ ආරක්ෂක අමාත්යාංශය අවධාරණය කරයි.
ෆුජයිරා මධ්යස්ථානය ඉලක්ක කර ගනිමින් පසුගිය දින කිහිපය තුළ එල්ල වූ තෙවන ප්රහාරය මෙය වන අතර, ඉරානය විසින් හෝමුස් සමුද්ර සන්ධිය අවහිර කර ඇති පසුබිමක එක්සත් අරාබි එමීර් රාජ්යයට තෙල් අපනයනය කිරීමට ඇති ප්රධාන විකල්ප මාර්ගය අඩාල කිරීම මෙම ප්රහාරයන්හි අරමුණ බව විචාරකයෝ පවසති. මේ අතර, බැග්ඩෑඩ් නුවර ඇමරිකානු තානාපති කාර්යාලයට ද අද දිනයේදී දරුණුතම ඩ්රෝන ප්රහාර එල්ල වී ඇති අතර, මැදපෙරදිග යුද්ධය එහි තෙවන සතියට එළඹෙද්දී තත්ත්වය තවදුරටත් සංකීර්ණ වෙමින් පවතී.
තොරතුරු උපුටා ගැනීම:
FOX news, Fujairah Media Office, WAM, Gulf News, The Hindu සහ Mario Nawfal (X) වාර්තා ඇසුරින්.
